Flóra Þingeyjarsýslu

Fyrstur til að tína saman mikið af upplýsingum til Flóru Þingeyjarsýslu, var Helgi Jónasson bóndi á Gvendarstöðum í Köldukinn (1887-1972). Helgi ferðaðist mikið um byggðir Þingeyjarsýslna á árabilinu frá 1930 til 1946. Hann byrjaði á handriti að flóru Þingeyjarsýslu með lista yfir allar blómplöntur og byrkninga sem þá voru þekktar í héraðinu, og tíndi saman upplýsingar um útbreiðslu þeirra. Honum entist ekki aldur til að ljúka þessu handriti, enda ferðaðist hann mikið síðari árin um Vestfirði og Austfirði til að skoða og skrá plöntur. Ofurlítið birti hann þó um gróður á vissum svæðum innan sýslunnar, þar á meðal um Reykjahverfi (Náttúrufræðingurinn 1939), Kelduhverfi (Náttfræðing-urinn 1945), Aðaldal (Flóra 1966) og Flóru Mývatnssveitar (Acta Botanica Islandica 1972).
Sá er þetta ritar tók síðan upp þráðinn á árunum 1973-1980 og fór þá einkum um óbyggðir Þingeyjarsýslu, sem Helgi hafði lítið farið um. Í framhaldi af þessum ferðum var gengið frá handriti að Flóru Þingeyjarsýslu, sem nú hefur legið óhreyft í tvo áratugi og aldrei verið birt. Þótt þessar upplýsingar séu nú komnar til ára sinna, tel ég þó æskilegt að Þingeyingar og aðrir fái aðgang að þeim, og mun því stefna að því að að koma þeim á framfæri hér á þessari síðu, þótt síðar verði.