Dagur hinna villtu blóma
18. júní 2017
Dagur hinna villtu blóma
verður næst haldinn sunnudaginn 18. júní árið 2017.
Á degi hinna villtu blóma gefst fólki víðs vegar um landið kostur á að fara í tveggja tíma gönguferð um nágrenni sitt án endurgjalds, og fá leiðsögn um algengustu plöntur sem þar vaxa.
Flóruvinir og aðrir sem eru reiðubúnir til að standa fyrir plöntuskoðunarferð á blómadaginn eru beðnir að láta vita á póstfangið hkris@nett.is
svo hægt sé að fylgjast með hver þátttakan er á hverjum stað. Taka þarf fram hvar fólk á að mæta, og á hvaða tíma dagsins. Gjarnan mættu einnig fylgja með upplýsingar um
hvað markverðast er að sjá á því svæði sem skoðað verður. Upplýsingum
verður safnað saman hér á vefsíðuna, ef einhverjir gefa sig fram.
Árið 2017 verður boðið upp á plöntuskoðunargöngur þann 18. júní sem hér
segir:
1. Reykjavík, Viðey.
Leiðsögn um Viðey kl. 13:15 í tilefni af degi
hinna villtu blóma sem haldið er upp á árlega um öll Norðurlöndin.
Í göngunni verða plöntur sem vaxa í eyjunni
greindar til tegunda, fjallað um gróður svæðisins og starfsemi
Flóruvina kynnt en einnig verður stiklað á stóru um sögu Viðeyjar og þá
einna helst sagt frá ýmsum ræktunartilraunum sem þar hafa verið gerðar á
fyrri öldum.
Gönguferðin er samstarfsverkefni Grasagarðs
Reykjavíkur, Borgarsögusafns Reykjavíkur og Flóruvina.
Hjörtur Þorbjörnsson forstöðumaður
Grasagarðsins og Viðar Snær Garðarsson sagnfræðingur frá Borgarsögusafni
Reykjavíkur leiða gönguna.
Mæting
er við Viðeyjarferju við Skarfabakka kl. 13:15. Gjald í ferjuna fram og
til baka er 1.500 kr. fyrir fullorðna, 1.350 kr. fyrir eldri borgara og
750 kr. fyrir börn 7 – 17 ára í fylgd fullorðinna. Börn 6 ára og yngri
sigla frítt. Þeim sem vilja snæða léttan hádegisverð fyrir gönguna er
bent á 12.15 ferjuna.
Við minnum á að handhafar Menningarkorts
Reykjavíkur fá 10% afslátt í Viðeyjarferjuna og af veitingum í
Viðeyjarstofu. Handhafar Gestakortsins sigla frítt.
Fjöldi gesta: 22.
2. Steingrímsfjörður.
Mæting kl. 14:00
í Sævangi við Steingrímsfjörð. Gengið verður um svæðið og plöntur
skoðaðar, með áherslu á bersvæðagróður. Leiðsögn: Hafdís
Sturlaugsdóttir.
Fjöldi gesta: 8.
3.
Akureyri, Krossanesborgir.
Mæting kl. 11:00 á bílastæðinu norðan við ByKo. Gengið verður inn í
Krossanesborgir. Leiðsögn: Hjördís Haraldsdóttir og Sesselja
Ingólfsdóttir.
Fjöldi gesta: 21.
4. Egilsstaðir.
Mæting kl. 9:30 á bílastæði við Miðhúsaá, stutt ofan við Áningastein.
Gengið verður eftir göngustíg að Fardagafossi. Komið til baka um kl.
12:00. Leiðsögn: Skarphéðinn G. Þórisson.
Fjöldi gesta: 2.
5. Fjarðabyggð.
Mæting kl. 12:00 á bílastæði við Hólmanes. Gengið um friðlandið.
Leiðsögn: Guðrún Óskarsdóttir.
Fjöldi gesta: 2.
6. Kirkjubæjarklaustur.
Umhverfisstofnun og Vatnajökulsþjóðgarður standa fyrir göngu frá
Kirkjubæjarklaustri. Mæting kl. 18:00 við Skaftárstofu, gengið þaðan að
skógrækt, um stíga hennar og síðan upp með Systrafossi. Á leiðinni verða
plöntur skoðaðar og veittur ýmis fróðleikur um þær. Leiðsögn: Ásta K.
Davíðsdóttir og Jóna Björk Jónsdóttir.
Fjöldi gesta: 3.
Samtals var því heildarfjöldi gesta á degi hinna villtu blóma 58 á
landinu öllu árið 2017.
Flóruvinir standa
fyrir degi hinna villtu blóma, og veita leiðsögn sem sjálfboðaliðar.
Ýmsar stofnanir hafa stutt og staðið með flóruvinum að þessum degi á
hverjum stað fyrir sig undanfarin ár, meðal annarra Grasagarðurinn
í Laugardal, Ferðafélag
Íslands, Ferðafélagið
Útivist, Hólaskóli, Landbúnaðarháskóli Íslands, Náttúrufræðistofa
Kópavogs, Náttúrusetrið
á Húsabakka, Náttúrufræðistofnun
Íslands, Náttúru-fræðistofur
landshlutanna, Umhverfisstofnun og Vatnajökulsþjóðgarður.
Gestafjöldi árið 2013 var samtals 165 á 14 stöðum, en það er metfjöldi
gesta frá upphafi..