Stjörnumosi

Marchantia polymorpha

eða dýjaskóf eins og hann hefur einnig verið nefndur, er algengur í dýjavætum um allt land. Hann hefur breið og skófarkennd blöð, sem oftast bera skálar með æxlikornum (efsta myndin t.h.). Stjörnumosinn er sérbýlisjurt, og þekkjast kvenplönturnar á stjörnulaga þyrlum með mjóum örmum sem bera egghirzlur á neðraborði (miðmyndin t.h.), en karlplönturnar á breiðarma þyrlum sem bera frjóhirzlur á neðra borði (neðsta myndin til hægri). Eftir frjóvgun vaxa gróhirzlur upp úr egghirzlunum neðan á kvenþyrlunum. Ítarlegri upplýsingar um stjörnumosann má finna í grein eftir Helga Hallgrímsson í Náttúrufræðingnum bls. 155 árið 2000.

Skálar með æxlikornum á stjörnumosa.

Kvenplanta stjörnumosans með kvenþyrlum.

Karlplanta stjörnumosans í Álftavatnskrókum 1962. Karlþyrlur sjást vel.

Flóra Íslands - Mosar

Stjörnumosi

Marchantia polymorpha