Mýrhaddur

Polytrichum commune

er nokkuð algengur víðast hvar á landinu, en gloppur koma fyrir í útbreiðslu hans. Hann er óvenju stórvaxinn miðað við mosa, getur mest orðið allt að hálfur metri á hæð. Blaðsprotar hans eru með nokkuð stórgerðum, oddmjóum blöðum, og gróhirzlustilkarnir á sprota-endunum eru nokkuð langir og uppréttir, dökkrauðir eða rauðbrúnir. Gróhirzlan er áberandi ferstrend með skörpum brúnum, fremur stutt miðað við breidd. Hettan er loðin eins og á öllum haddmosum, síð með fagurbrúnni trjónu. Mýrhaddurinn vex í mýrlendi og deigu graslendi, einnig við hveri og laugar.

Mýrhaddur við Langavatn á Snæfellsnesi 14. ágúst 1989.

Mýrhaddur í Belgjarskógi í Mývatnssveit í ágúst 1962

Nærmynd af gróhirzlum mýrhaddsins í Kolgrafarfirði á Snæfellsnesi 10. júlí 2011. Loðin hettan þekur alla gróhizluna.

Flóra Íslands - Mosar

Mýrhaddur

Polytrichum commune