Rauðleppur

Scapania uliginosa

vex í lindalækjum og fjallatjörnum, marar oft í kafi. Sprotarnir eru dökkir, grænleitir, rauðbrúnir eða brúnir á litinn. Blöðin standa í tveim röðum eftir stönglinum, klofin í tvo misstóra sepa. Blaðseparnir eru breiðir, nær kringlóttir, ávalir í endann, innsveigðir og íhvolfir. Rauðleppur er algengastur á Vestfjörðum og um miðsvæði Austfjarða, en fremur sjaldséður annars staðar á landinu.

Rauðleppur skammt frá Kambsá í Laugarbólsdal við Djúp, 5. júlí 2005. Þarna var mosinn vatnsósa í blautri mýri með uppsprettum.

Hér hafa einstakir sprotar verið leystir í sundur svo að þeir sjáist betur.

Flóra Íslands - Mosar

Rauðleppur

Scapania uliginosa