Myndin af sótsnurðu er tekin á Náttúrufræðistofnun Íslands á Akureyri af sýni teknu í Eyjólfsstaðaskógi á Fljótsdalshéraði 26. maí 2001.
Þalið sótsnurðunnar er hrúðurkennt, hvítt
til gráhvítt eða gulgrátt, ýmist nokkuð samfellt og reitskipt eða
vörtótt, eða mjög þunnt og gert af ósamfelldum, ljósum þalflögum og
skin í dökkan trjábörkinn á milli. Askhirzlur algengar, kúptar frá
byrjun, síðar oft hálfkúlulaga, bleikbrúnar, gulbrúnar, gulgráar,
kolugar eða grænsvartar á litinn, ýmist viðgrónar þalinu eða lyftast
frá því á jöðrunum, 0,3-0,9 µm í þvermál. Gróin eru átta í aski,
glær, einhólfa, sporbaugótt – aflöng, 8-15 x 3,5-5,5 µm að stærð.
Askþekja afar mislit, blásvört, grásvört, grábrún, ólífugræn eða
gulbrún, askbeður ljós blágráleitur, nærri glær eða ólífubrúnn,
45-60 µm þykkur, undirþekja glær. Sótsnurðan vex á trjáberki, mest
birki og fjalldrapa, en einnig á víðikvistum og lyngi, og finnst
víða um land.
Þalsvörun: K-, C+
gult til laxagult, KC+ gult, P-.
Innihald: Óþekkt.
Myndin af sótsnurðu er tekin á Náttúrufræðistofnun Íslands á Akureyri af sýni teknu í Eyjólfsstaðaskógi á Fljótsdalshéraði 26. maí 2001.