Svona líta gró fjarkaduðrunnar út, oftast fjórhólfa.
Þal fjarkaduðrunnar er hrúðurkennt,
fremur þunnt, brúnleitt, grábrúnt eða hvítleitt, myndar þunnan hjúp
utan um mosagreinar og sinu, eða ef það er þykkara þá er yfirborðið
smávörtótt (0,1-0,2 mm). Askhirzlur eru í fyrstu flatar eða lítið
eitt kúptar, þykkar, með eiginrönd en verða fljótt kúptar og
randlausar, dökk brúnar eða brúnsvartar á litinn, 0,4-1,2 mm að
stærð. Gróin eru átta í hverjum aski, aflöng-oddbaugótt, oftst
fjórhólfa, 15-26 x 5-8 μm. Askþekjan er brún, askbeður glær eða
ljósbrúnn, 80-90 μm þykkur, undirþekja oft brúnleit efst og í
botninn, en annars að mestu glær. Fjarkaduðra vex á mosagrónum
jarðvegi, einkum til fjalla. Hún er nokkuð víða á hálendinu og til
fjalla við Eyjafjörð.
Þalsvörun: K+ gult →
laxagult,
Innihald: .