Glóðardumla af ónafngreindri hæð (575 m) skammt austan Kreppu við Kverkfjallaleið.
Þal glóðardumlunnar er móleitt eða hvítleitt, oft mjög þunnt og ógreinilegt, en stundum sæmilega samfellt og fínlega reitskipt, þalreitir 0,2-0,5 mm, flatir eða smávörtóttir. Askhirzlurnar eru rauðgular, gulbrúnar eða gular á litinn, randlausar frá byrjun, meir eða minna kúptar, 0,3-0,8 mm í þvermál. Gróin eru átta í aski, glær, breiðegglaga-sporbaugótt, einhólfa, 7-11 x 5-6 μm. Askþekjan er gulbrún-laxagul, K+ rauð, askbeður gulbrúnn efst, annars glær, undirþekja glær.
Glóðardumlan vex á
klettum einkum þar sem raki er, eða við vatnsfarvegi. Hún er oftast
á móbergi en einnig á hreinu blágrýti. Hún er fremur sjaldgæf en
dreifð um landið. Glóðardumla líkist klappa-dumlu,
en hefur minni og skærlitaðri askhirzlur með ólitaðri undirþekju.
Þalsvörun:
K-, C-, KC-, P-. Askhirzlur K+ rauðar.
Innihald: