Ljónslappi í Skúmhattardal í Loðmundarfirði árið 1992.
Blóm ljónslappans eru allmörg saman
í blómhnoðum sem standa í blaðöxlum; þau eru fjórdeild, 2,5-3,5 mm í þvermál. Krónublöð vantar. Bikarblöðin eru gulgræn, fjögur í
kross með hárskúf í oddinn. Örmjóir og stuttir utanbikarflipar standa í
blaðvikunum. Fræflar eru fjórir, ein fræva með einum hliðstæðum stíl.
Blöðin eru stilklöng (5-10 sm), handskipt í 5-7 smáblöð. Smáblöðin
eru 1,5-2 sm á lengd, tennt í endann, þétt silfurhærð á
neðra borði, dökkgræn og lítt eða ekki hærð að ofan. Jarðstöngullinn er
gildvaxinn með himnukenndum, brúnum lágblöðum.
Ljónslappi í Skúmhattardal í Loðmundarfirði árið 1992.