Ax af háliðagrasi á Akureyri 1963.
Smáöx háliðagrassins eru einblóma, þétt saman í sívölu, gráu, 3-8 sm löngu og 6-10 mm breiðu samaxi. Smáöxin bera týtu sem oftast er nokkru styttri en axagnirnar. Fræflarnir hanga út úr axinu um blómgunartíma, með fjólubláa eða brúna frjóhnappa. Stráið er sívalt. Slíðurhimnan er 2-3 mm á lengd, þverstífð en skörðótt. Blöðin eru flöt, 5-9 mm á breidd.
Ax af háliðagrasi á Akureyri 1963.