Snænarfagras við Orravatnsrústir norðan Hofsjökuls sumarið 1984.
Snænarfagrasið er örsmá fjallajurt af grasætt sem
myndar smátoppa. Stráin eru
jarðlæg, uppsveigð eða upprétt. Punturinn er
grannur og axleitur. Smáöxin eru oftast einblóma. Axagnir eru örstuttar
(0,2-0,5 mm), vantar oft aðra. Blómagnir eru lengri (1-1,5 mm) og
breiðari, grænar eða fjólubláar með ljósbrúnum himnujaðri, snubbóttar,
skertar eða yddar í endann. Blöðin eru 1-2 mm á breidd og stefnislaga í
endann; slíðurhimnan er 1 mm.
Snænarfagras við Orravatnsrústir norðan Hofsjökuls sumarið 1984.