Hér er lækjafræhyrna við Meingilsfossa í Lónsöræfum árið 1985.
Lækjafræhyrna við Fannhólahrygg á Skaga 25. júní 2010. Grasvíðiblöð fylla upp í myndina, og langkrækil má geina hægra megin neðan við miðja mynd.
Lækjafræhyrna er fremur smávaxin,
fjölær jurt með skriðula stöngla og uppsveigðar greinar. Stönglarnir eru
með kirtilhærðri rák eftir endilöngu, annars hárlausir. Blómin eru
fimmdeild, 7-10 mm í þvermál, oftast 2-4 saman á greinendanum.
Krónublöðin eru hvít, hálfgegnsæ, 7-9 mm löng, með skoru í endann.
Bikarblöðin eru töluvert styttri, um 5 mm, móleit og himnurend, ekki
oddhvöss, oftast ofurlítið kirtilhærð. Fræflar eru tíu með gular
frjóhirzlur. Ein fræva, oftast með 3-4 stílum. Aldinið er um 8-10 mm
langt tannhýði sem opnast með 6 tönnum. Blöðin eru gagnstæð, hárlaus,
aflöng eða lensulaga, 8-12 mm löng og 2-3 mm beið, blaðpörin oftast bæði
beygð út til sömu hliðar.
Lækjafræhyrnan er fremur auðþekkt,
líkist helzt músareyra eða vegarfa. Hana má greina frá þeim báðum á
aðeins 3-4 stílum á frævunni, aðeins 6 tönnum á aldininu, og á hinum
hliðsveigðu laufblöðum.
Hér er lækjafræhyrna við Meingilsfossa í Lónsöræfum árið 1985.
Lækjafræhyrna við Fannhólahrygg á Skaga 25. júní 2010. Grasvíðiblöð fylla upp í myndina, og langkrækil má geina hægra megin neðan við miðja mynd.