Lágarfi á Eyjarfæti nyrzt í Grímsey árið 1999.
Lágarfinn er hárlaus, fjölær,
lágvaxin jurt með stuttum, jarðlægum eða uppsveigðum stönglum. Blómin
eru 8-12 mm í þvermál, fimmdeild, tvíkynja. Krónublöðin eru hvít, klofin
nærri niður í gegn, svo þau virðast 10. Bikarblöðin eru egglaga til
lensulaga, oft íhvolf, snubbótt í endann eða með sljóum oddi, 3-4,5 mm á
lengd. Fræflar eru tíu, ein fræva með þrem stílum. Stönglar eru hárlausir
með tiltölulega þéttum, gagn-stæðum blöðum. Blöðin eru fremur þykk og
safarík, oddbaugótt, 4-7 mm á lengd og 2-3 mm á breidd, óstilkuð.
Lágarfi á Eyjarfæti nyrzt í Grímsey árið 1999.