Hér vex bláklukkan utan í klettaskriðum. Myndin er tekin í Lónsöræfum árið 1985
Bláklukkan ber oftast eitt til tvö blóm á stöngli, en stundum fleiri. Krónan er klukkulaga, 2-3 sm á lengd, með fimm odddregnum sepum að framan. Bikarinn er hárlaus, klofinn 2/3 niður, bikarfliparnir striklaga, um eða tæpur sm á lengd. Fræflar eru fimm og ein fræva með þrjú fræni. Stöngullinn er blöðóttur, einkum neðan til. Blöðin eru hárlaus, stofnblöðin stilklöng með hjartalaga eða nær kringlótta blöðku, sljótennt. Ofar verða blöðin oddbaugótt, síðan lensulaga eða striklaga, þau efstu heilrend.
Hér vex bláklukkan utan í klettaskriðum. Myndin er tekin í Lónsöræfum árið 1985