Ætihvönn á bakka Mývatns árið 1963.
Þroskuð aldini ætihvannar á Arnarhóli í Kaupangssveit í ágúst 2004
Blóm ætihvannar standa mörg saman í
samsettum sveipum sem eru 10-20 sm í þvermál, gerðir af mörgum
smásveipum sem hver um sig er 1,5-2,5 sm í þvermál. Blómin eru 5-6 mm,
hvítleit. Krónublöðin eru grænhvít, tungulaga eða oddbaugótt. Fimm
fræflar eru í hverju blómi. Einnig ein fræva með tveim stílum; aldinið klofnar
í tvö deilialdin, hvort með fjórum rifjum öðrum megin. Blöðin eru
margsamsett, tví- til þrífjöðruð. Smáblöðin eru gróftennt, hárlaus.
Blaðslíðrin eru mjög breið og útblásin, lykja um allan sveipinn meðan
hann er að þroskast. Stöngullinn er mjög sterklegur, gáraður, með víðu
miðholi. Reifablöð smáreifanna eru striklaga, stórreifar vantar eða þær
falla snemma.
Ætihvönn á bakka Mývatns árið 1963.
Þroskuð aldini ætihvannar á Arnarhóli í Kaupangssveit í ágúst 2004