Blómstrandi vatnsnál í Aðalvík.
Vatnsnál í Aðalvík árið 1980.
Vatnsnálin er fjölær, nokkuð stórvaxin
jurt af stararætt með 1-1,8 sm löngu, brúnu eða rauðbrúnu axi á
stráendanum. Tvær axhlífar eru neðan undir axinu, snubbóttar,
himnurendar, með grænni miðtaug, og feðma hvor um sig utan um axgrunninn
til hálfs. Stoðblöð blómanna eru oddmjó, rauðbrún. Sex burstar eru í
stað blómhlífar. Frævan er með stút í toppinn og tvö fræni. Fræflar
eru sex.
Stráið er sívalt, holt innan, með blöðkulausum blaðslíðrum neðst, sem
oft eru með brúnum jaðri.
Blómstrandi vatnsnál í Aðalvík.
Vatnsnál í Aðalvík árið 1980.