Hnoðafræhyrna á jarðhitasvæðinu á Laugarási í júlí 2005.
Hnoðafræhyrnan hefur loðna, greinda
stöngla. Blómin eru fimmdeild, mörg saman í fremur litlum en þéttum
kvíslskúf á stöngulendunum, breiða lítið úr sér. Krónublöðin eru hvít
með grunnri skerðingu í endann, álíka löng og bikarblöðin, breiða ekki
úr sér. Bikarblöðin eru 4-5,5 mm á lengd, græn, hvassydd, himnurend,
kirtilhærð. Fræflar eru 5-10, ein fræva með 5 stílum. Aldinið er
gljáandi, gulllitað tannhýði sem opnast með 10 tönnum, stendur
fullþroskað langt upp fyrir bikarinn. Laufblöðin eru gagnstæð, egglaga
eða sporbaugótt, hlutfallslega breið, 1-2 sm löng og 0,5-1 sm breið,
loðin.
Hnoðafræhyrna á jarðhitasvæðinu á Laugarási í júlí 2005.