Blómskipan vallhærunnar á Arnarhóli í Kaupangssveit, 25. júlí 2009.
Hér sjáum við´hvítu hárin umhverfis blaðslíðrið, en af þeim kemur hærunafnið.
Blóm vallhærunnar eru mörg saman í 4-8 blómhnoðum á mislöngum leggjum. Blómhlífarblöðin eru sex, oddmjó, dökkbrún, öll af svipaðri lengd. Fræflar eru sex. Vallhæran hefur eina þrístrenda frævu með einum stíl og þrískiptu fræni. Strá hennar er sívalt. Stoðblaðið nær venjulega upp fyrir legglengstu blómhnoðun. Stofnblöðin eru 3-6 mm breið, flöt eða ofurlítið uppsveigð á jöðrum, oft meir eða minna rauðleit með löngum, hvítum hárum á röndunum, einkum neðst við blaðfótinn.
Blómskipan vallhærunnar á Arnarhóli í Kaupangssveit, 25. júlí 2009.
Hér sjáum við´hvítu hárin umhverfis blaðslíðrið, en af þeim kemur hærunafnið.