Lækjagrýta í nágrenni Reykjavíkur 1982.
Lækjagrýtan er hárlaus, einær jurt
sem vex í vætu, stundum í vatni. Blómskipanir hennar eru fáblóma,
endastæðar eða hliðstæðar. Tvö græn forblöð koma í stað bikars,
krónublöð eru 3-5, hvít, mislöng, 1-2 mm. Fræflar eru þrír og ein
þríblaða fræva sem verður að hnöttóttu aldini með oftast þrem,
dökkbrúnum, gljáandi fræjum, sem eru um 1 mm í þvermál. Laufblöðin eru
dökk græn, þykk og safarík, gagnstæð, 4-10 mm á lengd, öfuglensulaga eða
oddbaugótt, heilrend.
Lækjagrýta í nágrenni Reykjavíkur 1982.