Blóm spánarkerfils eru í tvöföldum,
allstórum (5-10 sm) sveipum, 2-4 mm í þvermál. Krónublöðin
eru 5, grænhvít, 2 mm á lengd, skert í oddinn. Fræflar eru 5. Frævan
er með
tveim stílum, myndar tvö, gljáandi, dökkbrún deilialdin með skörpum
rifjum; aldinin eru 20-25 mm á lengd. Smáreifarnar eru randhærðar,
stórreifar vantar. Stönglar og blaðstilkar eru loðnir, blöðin ljósgræn,
þrífjöðruð, loðin. Sterkt anísbragð er af blaðstilkunum.
Spánarkerfill á Arnarhóli í Kaupangssveit árið 1984,
Hér sjást rætur af skógarkerfli (til vinstri) og spánarkerfli (til hægri). Spánarkerfillinn hefur miklu gildari og öflugri rætur, sem erfiðara er að ná upp úr jörðunni. Myndin er tekin 19. júní 2014.
Hér að ofan má sjá hálfþroskuð aldini spánarkerfils í návígi, myndin tekin á Arnarhóli árið 2004
Blöð af spánarkerfli (til vinstri) og skógarkerfli (til hægri) til samanburðar.