Þessi mynd sýnir ósajurt við Hvalnes í Lóni sumarið 2005.
Ósajurt er fíngerð, fjölær vatnajurt sem vex á kafi í söltum sjó eða hálfsöltu vatni, með láréttum, grönnum jarðstöngli og uppréttum, greindum hliðarstönglum. Blöðin eru striklaga, flöt, með einum miðstreng, 0,5 mm breið, ydd í endann. Blaðfóturinn er með, himnukenndu slíðri sem er lítið eða ekki uppblásið. Blómin eru blómhlífarlaus, blóm og aldini standa á enda kransstæðra, langra (1-2,5 sm) leggja. Aldinin eru skakkflöskulaga með stuttum stút, 2-2,5 mm á lengd og 1 mm breið.
Þessi mynd sýnir ósajurt við Hvalnes í Lóni sumarið 2005.